20.5 C
Addis Ababa
June 15, 2021
Local News

የንግድና ኢንዱስትሪ ሚኒስቴር ወተር ዊትነስ ኢንተርናሽናል ከተባለ የልማት ድርጅት ጋር የ21 ሚሊዮን ብር ድጋፍ ስምምነት ተፈራረመ ::

የንግድና ኢንዱስትሪ ሚኒስቴር ወተር ዊትነስ ኢንተርናሽናል ከተባለ የልማት ድርጅት ጋር በሃገራችን ለሚገኙ የጨርቃጨርቅና አልባሳት ኢንዱስትሪዎች ድጋፍ የሚውል 21 ሚሊዮን 72 ሽህ 26 ብር ስምምነት ተፈራርሟል፡፡በስምምነቱ ላይ በሚኒስቴር መ/ቤቱ የቆዳና ጨርቃጨርቅ ዳይሬክቶሬት ዳይሬክተር አቶ ዘሪሁን አበበ ድርጅቱ በአሁኑ ወቅት በሃገራችን ለሚገኙ የጨርቃጨርቅና አልባሳት ኢንዱስትሪዎች ድጋፍ ለማድረግ ያሳየው ተነሳሽነት የሚደገፍ መሆኑን ጠቁመው ኢንዱስትሪዎቻችን በውሃ አጠቃቀም ዙሪያ ያሉባቸውን ክፍተት ለመድፈን ከፕሮጀክቱ ጋር የተደረገውን ስምምነት ስኬታማ ለማድረግ ሚኒስቴር መ/ቤቱ የማስተባበር ስራ ይሰራልም ብለዋል፡፡

በሚኒስቴር መ/ቤቱ የአግሮ-ፕርሰሲንግና ፋርማሲዩቲካል ዘርፍ ሚኒስቴር ዴኤታ አማካሪ አቶ ጳውሎስ በርጋ በበኩላቸው ሃገራችን ለምትከተለው የአረንጓዴ ልማት ስትራቴጂ የውሃ ሃብታችንን በአግባቡ መጠቀም እንደሚገባ ገልጸው ለዚሁም ስኬት የዛሬው ስምምነት የአንበሳውን ድርሻ እንደሚወጣም ገልጸዋል፡፡

ወተር ዊትነስ ኢንተርናሽናል የተባለውን ድርጅት ወክለው ስምምነቱን የፈረሙት የአፍሪካ ፕሮግራም ማናጀር አቶ ኢሳያስ ሳሙኤል የፕሮጀክቱ ተቀዳሚ ዓላማ በሃገሪቱ የሚገኙ የጨርቃጨርቅና አልባሳት ዘርፍን በተለይም በውሃ አጠቃቀማቸው ዙሪያ ያላቸውን ክፍተት ለመሙላት መሆኑን ገልጸው ለዚህም ዓላማ 500, 000 ፓውንድ ተመድቧል ያሉ ሲሆን ይህንን ዓላማ ለማሳካት ድርጅቱ ከሚኒስቴር መ/ቤቱ በተጓዳኝ ከሌሎች የዘርፉ ባለድርሻ አካላት ጋር በትብብር እንደሚሰራም አስረድተዋል፡፡

Source: http://www.motin.gov.et/

Related posts

የሞጆ የጋራ ፍሳሽ ማጣሪያ ፕሮጀክት የምክክር መድረክ እየተካሄደ ነው

Areda Batu

የኢትዮጵያ ጨርቃጨርቅ ኢንዱስትሪ ልማት ኢንስቲትዩት ለሁለተኛ ጊዜ ሀገር አቀፍ የጥጥ ልማት የንቅናቄ መድረክ አካሄደ ፡፡

Areda Batu

9th International Conference at EiTEX

Areda Batu

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy
Show Buttons
Hide Buttons