20.4 C
Addis Ababa
May 16, 2021
Industry Best Practices Local News

ተኪ ምርቶችን ለማምረት የሚያስችሉና ገበያ ተኮር ስልጠናዎች ተጠናክረው እንዲቀጥሉ ተጠየቀ

በደሴ ከተማ ለሚገኙ የኢንዱስትሪ ባለቤቶችና ሰራተኞች ሲሰጥ የነበረው የባለሁለት መልክ ጃኬት ስልጠና ተጠናቀቀ::
የፌዴራል አነስተኛና መካከለኛ ማኑፋክቸሪንግ ኢንዱስትሪ ማስፋፊያ ባለስልጣን  ከአነስተኛና መካከለኛ ኢንተርፕራይዞች ፋይናንስ ፕሮጀክትና ከወ/ሮ ስኂን ፖሊ ቴክኒክ ኮሌጅ ጋር በመተባበር ደሴ ከተማ ለሚገኙ ኢንዱስትሪዎች ከመጋቢት 20 እስከ ሚያዚያ 2/2013 ዓ.ም ሲሰጥ የነበረው የባለሁለት መልክ ጃኬት (Double-Faceted Jacket) ስልጠና ተጠናቀቀ፡፡

በባለስልጣኑ የጨርቃጨርቅና አልባሳት ልማት ዳይሬክቶሬት ዳይሬክተር የሆኑት አቶ ስዩም ውጅራ ባለስልጣኑ ዘርፉን ለማሳደግ በተለያዩ ጊዜያት አቅም ግንባታ ስልጠናዎች ሲሰጥ መቆየቱን ተናግረዋል፡፡

ስልጠናዎቹ በሚፈለገው ደረጃ ወደታች እንዲወርዱ ከማድረግ አንጻር ግን ክፍተት መኖሩን አንስተዋል፡፡

በሀገር አቀፍ ደረጃ 21 የልህቀት ማዕከላት ተለይተው የአነስተኛና መካከለኛ ማኑፋክቸሪንግ ኢንዱስትሪ ዘርፍን ለመደገፍና ለማሳደግ የተለያዩ ስራዎች ሲሰሩ መቆየታቸውን የሚያስታውሱት ዳይሬክተሩ ከ21ዱ የልህቀት ማዕከላት መካከል አንዱ በአማራ ክልል ደሴ ከተማ የሚገኘው የወ/ሮ ስኂን ፖሊ ቴክኒክ ኮሌጅ መሆኑን ይናገራሉ፡፡

ለኮሌጁ መምህራንም የባለሁለት መልክ ጃኬት ስልጠና ከዓመታት በፊት መሰጠቱንና ስልጠናውን በወሰዱ የኮሌጁ መምህራን አማካኝነትም ባለፉት 13 ቀናት የባለሁለት መልክ ጃኬት ስልጠና ሲሰጥ መቆየቱን ዳይሬክተሩ ተናግረዋል፡፡

ከዚህ በፊት የባለሁለት መልክ ጃኬት በሀገር ውስጥ እንደማይመረት የሚናገሩት አቶ ስዩም ስልጠናው ተኪ ምርትን በሀገር ውስጥ በማምረት የውጭ ምንዛሬን ለማዳን እንደሚያስችል ገልጸዋል፡፡

ስልጠናው የተሳካ እንደነበር የሚናሩት አቶ ስዩም ሰልጣኞች ከስልጠናው ባገኙት እውቀትና ልምድ የባለሁለት መልክ ጃኬት ማምረት መቻላቸውን ተናግረዋል፡፡

ስልጠናውን የተሳካ እንዲሆን ትብብር ላደረጉ የፖሊ ቴክኒኩ አመራር፣ አሰልጣኞችና አስተባባሪዎች እንዲሁም የደሴ ከተማ ኢንዱስትሪና ኢንቨስትመንት ጽ/ቤት ምስጋናቸውን አቅርበዋል፡፡

ሰልጣኝ ኢንዱስትሪዎች በበኩላቸው ተወዳዳሪ በመሆን ወደገበያ መግባት የሚያስችላቸውን እውቀትና ክህሎት ከስልጠናው ማግኘታቸውን ተናግረዋል፡፡

ገበያ ተኮርና ተኪ ምርቶችን ለማምረት የሚያስችሉ ተመሳሳይ ስልጠናዎች ተጠናክረው እንዲቀጥሉ ጥሪ ያቀረቡት ሰልጣኞቹ በቀጣይ ምርቱን በስፋት በማምረት ወደገበያ መግባት እንዲችሉና ተወዳዳሪ እንዲሆኑ የሚመለከታቸው አካላት ተገቢውን ድጋፍና ክትትል እንዲያደርጉላቸው ጠይቀዋል፡፡

ስልጠናውን በሚገባ ያጠናቀቁ ሰልጣኞች የምስክር ወረቀት ከባለስልጣኑ ልማት ዘርፍ ም/ዋና ዳይሬክተር ተወካይ ከአቶ ተስፋዬ ጌታቸውና ከወ/ሮ ስኂን ፖሊ ቴክኒክ ኮሌጅ ም/ዲን ከአቶ አያሌው መኮነን ተቀብለዋል፡፡

አቶ ተስፋዬ ባስተላለፉት መልዕክት ሰልጣኞች ያገኙትን ልምድ በመጠቀም በፍጥነት ወደገበያ እንዲገቡ ጠይቀው የአነስተኛና መካከለኛ ማኑፋክቸሪንግ ዘርፍን በተመለከተ መረጃ ለሚሰበስቡ አስፈጻሚ አካላት ተገቢውን መረጃ በመስጠትም እንዲተባበሩ ጥሪ አቅርበዋል፡፡

በዚህ ስልጠና ከደሴ ከተማ የመጡ 13 የሚሆኑ የአነስተኛና መካከለኛ አምራች ኢንዱስትሪ ባለቤቶችና ሰራተኞች ተሳታፊ ሲሆኑ በቀጣይ በሌሎች ከተሞችም ተከታታይ ስልጠናዎች ለመስጠት እቅድ መያዙን ያገኘነው መረጃ ይጠቁማል፡፡

ምንጭ: FSMMIPA telegram channel 

Related posts

Inauguration of Semera Industry Park

Areda Batu

The first round of 40-day training on Garment and Leather Products has been completed

Areda Batu

W/o Adanech Abebe inaugurated Shiro Meda Cultural Clothing Shopping Mall

Areda Batu

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy
Show Buttons
Hide Buttons