14.5 C
Addis Ababa
September 28, 2022
Local News

በጨርቃጨርቅና አልባሳት ዘርፍ ያለውን የክህሎት ፍላጎት አስመልክቶ የተሰጠው ስልጠና ተጠናቀቀ፡፡

በቢሾፍቱ ከተማ አሻም አፍሪካ ሆቴል ከጥቅምት1/2014 እስከ ጥቅምት 5/2014 ዓ.ም ድረስ ለአምስት ተከታታይ ቀናት በሀገሪቱ ጨርቃጨርቅና አልባሳት ዘርፍ ያለውን የክህሎት ፍላጎት መለየት የሚያስችል የስልጠና መርሀ ግብር ተካሂዷል፡፡ስልጠናው በኢትዮጵያ ጨርቃጨርቅ ኢንዱስትሪ ልማት ኢንስቲትዩትና በዓለም አቀፍ የሰራተኞች ድርጅት ትብብር የተዘጋጀ ሲሆን በመርሀ ግብሩ ከዓለም አቀፍ የሰራተኞች ድርጅት በመጣች ከውጭ ዜጋ ጋር የልምድ ልውውጥ ከመደረጉ በተጨማሪ በዋናነት ሀገር አቀፉና ዓለም አቀፉ የጨርቃጨርቅ ኢንዱስትሪ ያለበትሁኔታ፣ለዘርፉ ኢትዮጵያ ያላት የአስር ዓመት ዕቅድ፣የኢንዱስትሪዎች ፍላጎት የዳሰሳ ጥናት፣የሙያ ደረጃ አሰጣጥና ሀገር አቀፍ ስትራቴጅዎችን የሚመለከቱ ገለጻዎች ከቀረቡ በኋላ ውይይት ተደርጎባቸዋል፡፡በውይይቱም ፋብሪካዎች ግልጽ የሆነ ራዕይ፣ዓላማና ተልዕኮ አስቀምጦ ከመስራት ባሻገር በስራቸው ላሉ ባለሙያዎች ከግባቸው አኳያ ተስማሚ የሆነ የስልጠና መርሀ ግብር ማመቻቸት እንዳለባቸው ስምምነት ላይ ተደርሷል፡፡ይህንንም በተሳካ ሁኔታ ማስኬድ ይቻል ዘንድ የኢትዮጵያ ጨርቃጨርቅ ኢንዱስትሪ ልማት ኢንስቲትዩት የስልጠናና የስራ መመሪያዎችን ከሚመለከታቸው አካላት ጋር በመቀናጀት እንደሚያዘጋጅ ተገልጿል፡፡በመጨረሻም በውይይቱ የተካተቱ ዓበይት ጉዳዮችን መሰረት በማድረግ በተደረገው የስራ ክፍፍል መሰረት ሁሉም ባለድርሻ ትኩረት ሰጥቶ መስራት አለበት ሲሉ በኢንስቲትዩቱ የሽመናና ሹራብ ስራዎች ዳይሬክቶሬት ዳይሬክተር አቶ እናውጋው ንጉሴ መልዕክት አስተላልፈዋል፡፡

Source: https://www.facebook.com/ethiopian.textile.3

 

Related posts

Physical Inspection Laboratory at Textile and Garment Industry Research and Development gained international recognition

Areda Batu

The 10th International Conference of the Ethiopian Institute of Textile and Fashion Design Technology at Bahir Dar University Started with a colorful ceremony

Areda Batu

ለትምህርት ፈላጊዎች በሙሉ

Areda Batu

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy
Show Buttons
Hide Buttons